La polizia chantunala dal Grischun s'engascha fermamain en il sectur da la prevenziun d'accidents cun motos.

Per render attent als privels che stattan en connex cun manischar ina moto, è vegnida lantschada l'onn 2013 la campagna da prevenziun d'accidents cun motos smartrider.ch. En il rom da questa campagna vegnan preparadas las motociclistas ed ils motociclist optimalmain per la proxima stagiun da moto, e quai sin l'areal dal center per la segirezza stradala DrivingGraubünden. Tut en tut vegnan purschids 4 curs che duran mintgamai in di. La polizia chantunala dal Grischun sa participescha finanzialmain als curs. Empè da 199 francs custa in curs d'in di pia mo pli 99 francs.