Partiziun "polizia criminala"
La polizia criminala scuvra fatgs penals, eruescha ils auturs dal delict e surdat quels a la giustia penala. Uschè svelt e simpel sco tar «Derrick», tar «Bella Block» u tar «Siska» n'è quai dentant betg. Mo retschertgas perseverantas, lavur da detagl da lunga durada, savens er cun agid da la "commissaria casualitad" gidan a sclerir delicts.
Tar la polizia chantunala grischuna lavuran passa 80 criminalistas e criminalists vi da questa incumbensa pretensiusa. In ulteriur ed impurtant criminalist è il burgais u la burgaisa sezza. La polizia criminala è savens dependenta d'indicaziuns da la populaziun per ch'ella possia ademplir sias incumbensas a favur da la populaziun.
La lavur tar la polizia criminala è fitg pretensiusa. Sis servetschs spezials, ina unitad d'investigaziun per Cuira e ses conturns sco er il servetsch per la tecnica criminala lavuran vi dal scleriment da delicts da mazzament, enguladitschs cun infracziun, engions etc.