"La resursa la pli impurtanta da mintga organisaziun èn las collavuraturas ed ils collavuraturs. La persunalitad, la savida e las enconuschientschas, l'engaschi e las abilitads da mintga collavuratura e collavuratur dattan il caracter a nossa polizia chantunala."

Nus dal manaschament da resursas umanas (MRU) sustegnain sche pussaivel activamain l'occupaziun e l'engaschament da nossas collavuraturas e da noss collavuraturs sco er lur ulteriur svilup. En ina moda ch'è orientada al process garantin nus organisatoricamain sco er administrativamain la regulaziun, la planisaziun e l'accumpagnament davent da l'entrada fin a l'extrada.

Per permetter quai etablin nus – en il rom da las finamiras d'interpresa e da las prescripziuns legalas – process concis, instruments da regulaziun e da direcziun per nossa organisaziun sco er programs per l'ulteriur svilup. Ultra da quai faschain nus propostas per in'orientaziun futura strategica da success per nossa organisaziun.

A medem temp essan nus il post da contact per la clientella, per nossas collavuraturas e noss collavuraturs sco er per las candidatas ed ils candidats.

Il cumandant e tut ils stgalims directivs vegnan accumpagnads, sustegnids e cussegliads da nus en tut las dumondas da persunal per garantir ch'ils process ed ils andaments funcziunian senza incaps.