Cuntegn da la pagina

Instrucziun da polizista u polizist da 2 onns

L'instrucziun da polizista u polizist dura 2 onns. La finamira è quella d'intermediar ina instrucziun professiunala teoretica e pratica cumplessiva e solida.

L'instrucziun a la scola da polizia en il Tessin cumenza mintgamai il 1. da mars e quella a la scola da polizia da la Svizra orientala (SPSO) il 1. d'october.

Ensemen cun las aspirantas ed ils aspirants dal chantun Tessin u da l'ulteriura Svizra orientala vegnis Vus instruida u instruì durant l'emprim onn d'instrucziun da polizista u polizist en la scola da polizia correspundenta – cun ina interrupziun d'in praticum d'introducziun en il corp da tschep – en moda centrala e pratica. Cun l'examen davart la capacitad d'intervenziun (ECI) vegn terminada l'emprima fasa d'instrucziun a la scola da polizia.

La segunda fasa d'instrucziun da polizista u polizist vegn absolvida sco praticum en l'agen corp. Questa part cuntegna oravant tut la lavur pratica e vegn cumplettada d'ina instrucziun specifica per il corp. Ultra da quai vegnis Vus preparada u preparà optimalmain per l'examen professiunal federal (EPF). Terminada vegn l'instrucziun da 2 onns cun la festa tradiziunala da brevetaziun a polizista u polizist.