Cuntegn da la pagina

Recrutaziun

A partir da l'avust 2020 cumenza la fasa da recrutaziun per l'instrucziun da polizista u polizist che dura 2 onns e che entschaiva l'october 2021.

Per candidatas e candidats da lingua taliana datti la pussaivladad d'absolver la scola da polizia en il chantun Tessin (Giubiasco). Suenter la scola da polizia cumenza la segunda fasa da l'instrucziun en ina val tar la polizia chantunala dal Grischun. Pervia da quai stuais Vus savair bain tudestg a bucca gia a chaschun dal test da qualificaziun.

Il test da qualificaziun pon absolver mo candidatas e candidats che possedan il dretg da burgais svizzer. Candidatas e candidats cun ina permissiun da domicil u da dimora per 1 onn en Svizra na vegnan betg admess a l'examen.

Per pudair absolver la scola da polizia, stuais Vus

a) ademplir las suandantas cundiziuns d'admissiun

  • Buna reputaziun
  • Dretg da burgais svizzer
  • Vegliadetgna tranter 20 e 35 onns
  • Scolaziun professiunala terminada cun attest da qualificaziun federal u scolaziun equivalenta sco matura u diplom scola media propedeutica/SMP  (sco premissa per la renconuschientscha tras il SEFRI)
  • En cas da l'abilitad da far servetsch militar absolvì la scola da recrut fin a la partenza da l'instrucziun da polizia
  • Bunas premissas fisicas e psichicas
  • Naginas proceduras penalas currentas
  • Grondezza minimala da 160 cm
  • Permiss da manischar da la categoria B 
  • Enconuschientschas dal computer / dals programs dad Office
  • Giavischadas vegnan enconuschientschas da linguas estras

Supplementarmain per candidatas e candidats da la scola da polizia dal Tessin:

  • Bunas enconuschientschas dal tudestg a bucca

b) absolver cun success la suandanta procedura da recrutaziun

  • Test da qualificaziun* che consista
    a) d'in test da sport Video
    b) d'in test da teoria
    - test d'abilitad (2 uras)
    - test d'ortografia (15 min.)
    - test da tastatura (10 min.)
  • Discurs da valitaziun
  • Controlla tras la media u il medi da confidenza
  • Test da grammatica pli detaglià
  • Discurs da candidatura cun il cumandant da la polizia chantunala dal Grischun
  • Elecziun sco aspiranta u sco aspirant da polizia tras il cumandant da la polizia chantunala dal Grischun

* Il test da qualificaziun per la scola da polizia da la Svizra orientala e dal Tessin ha lieu pliras giadas per onn.

Nus As recumandain da tscherner il proxim termin pussaivel, perquai che las plazzas en la scola da polizia èn limitadas.

Jau vuless m'annunziar per il test da qualificaziun
Jau hai ina dumonda tar la scola da polizia

Il test da qualificaziun per la scolaziun 2021/23 ha lieu:

  • sonda, ils 9 da schaner 2021