Las polizistas chantunalas ed ils polizists chantunals che lavuran tar la polizia da regiuns garanteschan il provediment da basa e spezial da la polizia da traffic, da la polizia criminala e da la polizia da segirezza per il chantun Grischun. La polizia da regiuns pudess er vegnir numnada "pumpiers", perquai ch'ella entra adina là en acziun, nua ch'in agir polizial na cumporta nagina perdita da temp, p.ex. tar prestaziuns d'agid, accidents, crims etc. Cun autos da polizia e polizistas e polizists unifurmads patrugliescha la polizia da regiuns di e notg ed è emprima persuna da contact per burgaisas e burgais, giasts, persunas donnegiadas, victimas etc.

Per pudair garantir quai en moda uschè optimala sco pussaivel – tant en centers sco er en las regiuns periferas – èn vegnidas stgaffidas las regiuns RAIN-MOESA, SURSELVA, ENGIADINA e GRISCHUN CENTRAL. La direcziun operativa da la polizia da regiuns è chaussa dal schef da regiun.

Fegl d'infurmaziun Ulteriur svilup da l'organisaziun dal corp e structura dals posts