Navigation

Inhaltsbereich

Zwei Mitarbeiter der Verkehrstechnik stehen am Strassenrand mit Blick in die Rheinschlucht
 

La tecnica da traffic tracta en ses champ d'incumbensas principalmain interess da la planisaziun, da la signalisaziun e da la segirezza. Per che las leschas, las ordinaziuns e las directivas federalas e chantunalas possian vegnir exequidas en moda optimala, è il post da servetsch dividì en las duas gruppas "tecnica da traffic" e "regulaziun dal traffic" che vegnan descrittas qua sutvart.

Tecnica da traffic

La gruppa "tecnica da traffic" s'occupa d'expertisas da la tecnica da traffic en il rom da planisaziuns dal traffic e d'exposiziuns da projects sco:

  • tancadis, parcadis, fermadas da bus
  • projects da la construcziun da vias
  • stabiliments da traffic generals vi da vias publicas
  • planisaziuns localas e regiunalas
  • access a la rait da vias chantunalas

Cun talas expertisas vegnan projects examinads areguard eventuals deficits da segirezza. La gruppa "tecnica da traffic" è engaschada fermamain en la gestiun d'accidents da traffic. Per exempel vegnan tranter auter registrads ils rapports dals accidents da traffic per l'uffizi federal da statistica, fatgas analisas dals accidents da traffic per eliminar eventualas mancanzas e cumpilada la statistica annuala dals accidents da traffic.

Regulaziun dal traffic

La gruppa "regulaziun dal traffic" s'occupa dal grond dumber da signalisaziuns da las vias. Ella examinescha ed elavura dumondas da las vischnancas en connex cun la regulaziun dal traffic locala ed ella è il center entaifer la procedura d'approvaziun. Er planiseschan las collavuraturas ed ils collavuraturs la circulaziun dal traffic e las signalisaziuns per

  • plazzals
  • deviaziuns
  • controllas grondas
  • festas
  • occurrenzas grondas

Questas activitads premettan ina stretga collavuraziun cun l'uffizi chantunal da construcziun bassa e per part er cun l'uffizi federal da vias (UVIAS).

Il post da servetsch "tecnica da traffic" è spezialisà per examinar problems ed interess da la segirezza dal traffic areguard la segirezza. El è il post da contact per cussegliaziuns en connex cun la segirezza en il traffic sin via.