La Polizia da segirezza (curt: Sipo) è cumpetenta per la protecziun da persunas, da valurs materialas e d'occurrenzas. Ultra da quai ha ella a disposiziun elements d'intervenziun e da sustegn per dar dumogn ad eveniments ordinaris ed extraordinaris.

Er tut las unitads spezialas tutgan tar la Polizia da segirezza. La recrutaziun, la scolaziun ed il perfecziunament da questas unitads èn medemamain chaussa da la Polizia da segirezza. La Polizia chantunala dal Grischun organisescha e maina ils curs da scolaziun centrals d'intervenziun per l'entir Concordat da polizia da la Svizra orientala ostpol.ch.

Cun la scolaziun da tir e cun il trenament d'intervenziun pratic presta la Polizia da segirezza ina contribuziun impurtanta en connex cun la scolaziun e cun la furmaziun supplementara indispensabla da las polizistas e dals polizists.

Segns d'identificaziun: mintga unitad speziala ha ses agen badge