L'onn 2021 ha la polizia tudestga cumenzà cun la sfida #Kopfentscheidung, tar la quala polizistas e polizists sco er numerus prominents han fatg reclama per l'impurtanza da purtar ina chapellina da velo. La primavaira 2024 ha la campagna da prevenziun cuntinuà en Svizra. La chapellina melna da neon è vegnida dada vinavant a 16 differents corps da polizia che vulan motivar cun messadis da video ciclistas e ciclists da purtar ina chapellina.

Il post da servetsch Prevenziun da la Polizia chantunala dal Grischun ha organisà las registraziuns per il curt videoclip. Cuminaivlamain cun ils giasts d'onur Martin Candinas, Livia Peng e Nino Schurter ha pudì vegnir fatg in video interessant.

Da la fin da mars fin il cumenzament da matg vegnan ils films curts publitgads cuntinuadamain sin la pagina d'internet kopfentscheidung.ch. Supplementarmain vegnan ils clips cundividids dals corps da polizia respectivs sin lur plattafurmas da social media per cuntanscher ina derasaziun uschè gronda sco pussaivel.