L'emprima badigliada per il nov center da la polizia stradala nord
- Seiteninformationen
- Erste Mitteilung
- Neuen Beitrag einfügen
Il favrer 2023 han cumenzà tar la rundella Cuira Sid las lavurs da construcziun per il nov center da la polizia stradala. La construcziun realisada sut la direcziun da l'Uffizi da construcziun auta dal Grischun (UCA) duai esser in project da pilot e d'innovaziun (Green Deal). La persistenza duai vegnir chapida sco part integrala dal project. Ils 8 da mars 2023 ha gì lieu l'emprima badigliada uffiziala bain frequentada.
La cussegliera guvernativa dr. Carmelia Maissen flancada da l'architect chantunal Andreas Kohne e da l'architect Toufiq Ismail-Meyer
Il nov center da la polizia stradala duai garantir il provediment tranter Maiavilla e la Viamala. Il cumandant da la Polizia chantunala dal Grischun, Walter Schlegel, ha declerà: «En quai che pertutga la strategia da traffic sa chatta il center en in lieu ideal cun curts temps d'intervenziun. Quai è d'avantatg tant per la populaziun sco er per ils giasts dal chantun.» Simplifitgads vegnan er ils andaments dal manaschi e l'access per la populaziun.
da sanestra il cumandant da polizia Walter Schlegel, l'architect chantunal Andreas Kohne, il manader da project Markus Zwyssig, il schef da la polizia da regiuns Peter Joos ed il schef da l'infrastructura Beat Reusser
Igl è planisà che las forzas polizialas midian al nov center la fin da la stad/l'atun 2024. Maun en maun cun quai va la fusiun dal centers da la polizia stradala a Tusaun ed a Cuira.
Neuer Artikel