Sco la Polizia chantunala dal Grischun possedan er auters corps da polizia chauns da protecziun sco er chauns che detecteschan, persunas, narcotics e materias explosivas. Per als scolar per engaschaments, vegnan tratgas a niz sinergias. Ils 18 da november han il schef da la Polizia dal Principadi da Liechtenstein sco er ils cumandants da la Polizia chantunala da Glaruna e da la Polizia chantunala dal Grischun suttascrit a Vaduz (FL) ina cunvegna che regla las responsabladads.
da sanestra il schef da polizia FL Jules S. Hoch / il cumandant grischun, Walter Schlege / il cumandant glarunais, Markus Denzler
La direcziun administrativa e concepziunala da las scolaziuns e da las furmaziuns supplementaras è chaussa da l'unitad speziala Manaders da chauns da la Polizia chantunala dal Grischun. Per ina cooperaziun pon la Polizia dal Principadi da Liechtenstein sco er la Polizia chantunala da Glaruna vegnir consultadas. Periodicamain han lieu dis da scolaziun u da furmaziun supplementara cuminaivels
In chaun che detectescha narcotics en acziun