La percepziun da la professiun da polizist è subjectiva. Ils ins considereschan ella sco privlusa, ils auters vesan la grevezza psichica ed anc auters chattan, ch'ella resguardia ils basegns da las burgaisas e dals burgais e saja in element social indispensabel entaifer la societad. Sco punct cuminaivel impurtant da las percepziuns resorta segiramain: La professiun vegn resguardada sco pretensiusa.
Fotografia: Il grigione italiano, Radio Televisiun Svizra Rumantscha RTR, Bündner Woche
L'atun 2025 han trais portals da medias dilucidà en tut las trais linguas chantunalas, tge che motivescha las dunnas da tscherner questa professiun pretensiusa e da sa mover en quests conturns professiunals sco er cun tge sfidas che las polizistas èn confruntadas. En in punct èn las trais dunnas stadas perina: Igl è ina professiun da siemi!