Dals 17 fin ils 30 da mars 2025 han gì lieu en l'Engiadin'Ota ils campiunadis mundials da freestyle FIS 2025. Ils lieus da concurrenza a San Murezzan èn stads il territori da skis Corviglia e la sigliera olimpica sco er il territori da skis Corvatsch a Surlej (Silvaplauna). Var 1300 atletas ed atlets da 40 naziuns èn sa mesirads en 17 disciplinas. Per las concurrenzas, ils divers events laterals e per concerts èn vegnì spetgads 70 000 visitadras e visitaders. Per l'Engiadin'Ota è quai uschia stà in'occurrenza impurtanta.
L'acziun da la polizia è vegnida dirigida da Samedan ora – quasi or d'ina distanza da vista tar ils lieus d'acziun.
La Polizia chantunala dal Grischun ha tgirà in contact constant cun il comité d'organisaziun ed è stada preschenta cun patruglias da polizia unifurmadas e civilas als ed enturn ils lieus da concurrenza. Tant la polizia alpina sco er l'agid al commando han sustegnì las polizistas ed ils polizists ch'èn staziunads tut l'onn en l'Engiadina durant quest'acziun pli lunga. Dal punct da vista da la polizia è quai stà in'occurrenza cun in'atmosfera lucca e legraivla. U sco in dals polizists ha ditg: "A mai ha plaschì il servetsch durant quest temp. Er suenter la lavur, cura che jau hai pudì ir ad in u l'auter concert. konnte."