Mintg'onn scolescha la Polizia chantunala dal Grischun polizistas e polizists sco accumpagnadras ed accumpagnaders da la pratica. Durant il segund onn da scolaziun adempleschan ellas ed els ina rolla cardinala. Ellas ed els accumpognan las polizistas ed ils polizists che fan in praticum (PeP) durant il mintgadi professiunal, promovan il svilup da las polizistas ed ils polizists e dattan sistematicamain vinavant lur savida.

L'avust han absolvì sis novas accumpagnadras ed accumpagnaders da la pratica lur scolaziun interna. Ellas ed els han emprendì tut ils instruments impurtants: ademplir rasters da cumpetenza, scriver rapports da portfolio, surpigliar incumbensas praticas sco er manar discurs e controllar finamiras. Questas enconuschientschas garanteschan, che la generaziun giuvna da nossa polizia vegn sustegnida en moda structurada ed efficazia.

Accumpagnadras ed accumpagnaders da la pratica cun ina buna scolaziun na rinforzan betg mo il svilup dal persunal ed ina cultura d'emprender moderna, mabain augmentan er l'attractivitad da la Polizia chantunala dal Grischun sco patruna.