Ils 20 e 21 da zercladur 2026 ha gì lieu a Cuira ed a Tavau il 20avel inscunter svizzer da las musicas da polizia. La Musica da polizia dal Grischun, sco organisatura, ha beneventà passa 600 musicantas e musicants da l'entira Svizra.

Cun relaziuns da stad han ils concerts sin las plazzas en la citad veglia da Cuira sveglià grond entusiassem. Il punct culminant è stà l'act festiv cuminaivel sin l'Arcas cun tut las furmaziuns. En lur allocuziuns han il president dal comité d'organisaziun Bernhard Meuli, il cumandant Walter Schlegel ed il cusseglier guvernativ Peter Peyer accentuà l'impurtanza da la colleghialitad e da la represchentaziun musicala.

Durant la saira da gala a Tavau èn contribuziuns musicalas e la preschentaziun da la nova unifurma da la Musica da polizia dal Grischun stadas en il center. La dumengia è ida a fin cun in brunch da cumpagnia sin la Schatzalp.

Il comité d'organisaziun tira ina bilantscha trasora positiva: l'inscunter da giubileum è reussì senza incaps ed è fruntà sin gronda resonanza tar las musicistas ed ils musicists participads sco er tar il public.