Sut il patrunadi da la Musica da polizia dal Grischun survegnan las scolas dal chantun Grischun dapi onns cudeschets da malegiar per uffants. Il cudeschet da malegiar «Unterwegs mit Herrn Capri» fa attent ils uffants en moda simpla e chapaivla als privels dal traffic sin via. Il cudeschet da malegiar per uffants da la Polizia criminala ha la finamira da descriver la lavur da la Polizia criminala en moda chapaivla per ils uffants e de da dar tips als uffants, co ch'els duain sa cumportar per evitar delicts.

A la Polizia chantunala dal Grischun pari raschunaivel da far attent ils uffants a temp davart ils privels en il mintgadi. Per quest motiv sustegna ella il project da la Musica da polizia dal Grischun. Las polizistas ed ils polizists scolads spezialmain per la prevenziun mettan en circulaziun ils dus cudeschets da malegiar, cura ch'ellas ed els visitan las scolas. Ils cudeschets da malegiar èn plinavant da la partida mintga giada che la partiziun Prevenziun sa preschenta.