En il curtin da traffic da quest onn a Casti ed a Savognin ha gì lieu l'emprima giada ina sequenza d'instrucziun davart l'angul mort tar vehichels a motor grevs. Per mussar quest angul ha in constructur da vehichels mess a disposiziun gratuitamain in camiun durant sis dis al post spezialisà Prevenziun da la Polizia chantunala dal Grischun.

Las scolaras ed ils scolars da las scolas primaras vischinas han uschia vis en la pratica, tge vista che las manischunzas ed ils manischunzs da camiuns resp. da vehichels a motor grevs han a disposiziun. Las quaidas d'emprender, ma er las enconuschientschas surprendentas, èn stadas grondas. Suenter quest project da pilot examineschan ussa las persunas responsablas da la Polizia chantunala dal Grischun, sche questa sequenza d'instrucziun pratica vegn integrada en l'instrucziun da traffic.