Dapi bundant in onn è l'agen chanal d'Instagram da la Polizia chantunala dal Grischun online. L'onn 2024 ha in reel da la seria da las assistentas e dals assistents da segirezza gudagnà la cursa per la pli gronda derasaziun cun  190'488 consultaziuns e passa 1'300 interacziuns.

L'onn 2024 èsi vegnì decidì da publitgar las contribuziuns ed ils videos divertents dad Instagram er sin Facebook. Al cumenzament era la community sceptica, ma la popularitad da quests posts è la finala creschida, uschia ch'in da quels ha ussa cuntanschì la pli gronda derasaziun da l'onn passà. Quest reel ha cuntanschì var 560'000 persunas, da quellas han passa 3'000 interagì.