Gia la fin da l'onn 2024 ha in ami animalic dà da discurrer. In girun da mieurs era sa pitgà en in auto en viadi. El era tschiffà tranter il tetg ed il portaskis ed ha la finala mo pudì vegnir salvà da la Polizia chantunala dal Grischun. Sin Facebook ha questa contribuziun cuntanschì passa 643'000 consultaziuns e pli che 17'600 interacziuns – fin oz las cifras las pli autas da tut las contribuziuns da la Polizia chantunala dal Grischun.

La fin da l'onn 2025 ha puspè in animal bloccà l'autostrada A13 per in tschert temp. Questa giada sa tractavi dentant d'in ver ch'era sortì dal char annex durant il viadi. Navidas è el sa laschà tschiffar e puspè chargiar. Sin Facebook ha questa story cuntanschì stgars 100 000 consultaziuns damain ch'il girun da mieurs da l'onn avant. Uschia è quai il post cun las consultaziuns las pli bleras da l'onn 2025.

Arriva quest onn puspè ina istorgia d'animals sin l'emprima plazza da la distincziun «Il meglier post da l'onn»?