La Polizia chantunala dal Grischun è sutdividida en quatter regiuns. Per garantir, che tuttas sajan represchentadas guliv sin ils maletgs en las medias socialas e per auters intents, datti ils uschenumnads ambassadurs da medias. Questas persunas lavuran normalmain sco polizistas e polizists en las regiuns, fan dentant regularmain fotografias da lur mintgadi. Las fotografias surdattan ellas al Post da communicaziun, che valitescha questas materialias e che stgaffescha products ordlonder.