Fieras davart la professiun e davart la mastergnanza porschan a la Polizia chantunala dal Grischun occasiuns preziusas per parter directamain cun la populaziun tant temas preventivs sco er professiunals. Sco patruna attractiva na persvada la Polizia chantunala betg mo cun bunas cundiziuns da lavur e cun in'atmosfera da lavur positiva, mabain pledenta – grazia ad ina preschentaziun moderna e professiunala – sistematicamain novas persunas interessadas per la professiun da polizia.

Per quest intent è vegnì sviluppà in stan da fiera modern, cler ed utilisabel en moda flexibla. Ils singuls moduls dal stan pon vegnir ordinads en moda variada. Quai permetta a la Polizia chantunala dal Grischun da sa participar a fieras pitschnas sco er grondas. Ils cuntegns davart l'instrucziun da basa da la polizia e davart la prevenziun èn integrads en secturs separads dal stan. Uschia reussescha ina preschentaziun cuminaivla da la recrutaziun da persunal e da la lavur da prevenziun.

Sia premiera da success ha il nov stan festivà la fin d'avrigl 2025 a la PrättIGA. Bleras visitadras e blers visitaders èn sa laschads attrair dal stan traglischant e marcant ed han profità da l'occasiun per sa barattar cun las polizistas ed ils polizists preschents. La nova preschentaziun a la fiera è stada in success cumplain e furma la basa per preschentaziuns futuras.