ILa primavaira e l'atun ha la Polizia chantunala dal Grischun instruì scolaras e scolars da la 1. fin 6. classa en il curtin da traffic apprezià. Ils lieus d'instrucziun èn stads l'onn 2021 Roveredo, Domat, Casti e Savognin. Tut en tut èn vegnidas instruidas passa 100 classas cun 2130 uffants durant totalmain 127 lecziuns davart las reglas da traffic existentas e novas per ciclistas e ciclists.

Per bleras scolaras e blers scolars dal stgalim bass è il curtin da traffic in punct culminant, in uschenumnà highlight. Er las persunas d'instrucziun beneventan questa purschida dal post spezialisà Prevenziun da la Polizia chantunala. Las instructuras ed ils instructurs da traffic simuleschan en il curtin da traffic differentas situaziuns ed instrueschan il cumportament correct.

Link al video 1

Link al video 2