Quest onn ha la Polizia chantunala dal Grischun installà il curtin da traffic apprezià a Vicosoprano ed a Poschiavo. Las persunas d'instrucziun da las vischnancas da Bregaglia e da Poschiavo han beneventà quai fitg, perquai ch'ellas n'han betg stuì viagiar cun ils uffants sur il pass dal Bernina per visitar il curtin da traffic en l'autra val.
Las instructuras ed ils instructurs da traffic da la Basa da polizia al lieu instrueschan ils uffants ensemen cun las spezialistas ed ils spezialists dal post spezialisà Prevenziun davart las reglas da traffic per ciclistas e ciclists.
Ils velos per ils uffants da la 1. fin la 6. classa èn pronts. Ina chapellina prendan ils uffants sezs cun sai.
L'onn 2022 han visità il curtin da traffic tut en tut 103 classas da scola cun 1562 uffants a Tusaun, ad Andeer, a Rabius, a Vicosoprano ed a Poschiavo.