Durant la stagiun da motos èn plazzads dapi l'onn 1998 sper la rait da las vias chantunalas: ils placats pertutgant la prevenziun cunter accidents cun motos. Per il pli eran els giagls, per part faschevan els in tschegn d'egl ed er gia tschentavan els dumondas a las participantas ed als participants dal traffic. In tratg communabel dals placats era quel, ch'els eran suttamess al decurs dal temp e ch'els na stuevan betg mo vegnir remplazzads per motivs da l'aura. En il Grischun eran ils placats per il solit en tudestg ed en talian. L'acziun da placats ch'è vegnida lantschada la primavaira 2023 exista dentant schizunt en tuttas trais linguas chantunalas dal Grischun. Montads e demontads vegnan ils placats mintgamai tras l'Uffizi da construcziun bassa dal Grischun.