En Svizra vegn introducida il 1. da schaner 2023 da nov la mesiraziun dal dumber da particlas per vehichels e per maschinas che han in'admissiun per charrar sin via. En il rom da la controlla posteriura da svapur da vehichels da diesel tras las autoritads d'admissiun sco er tras la polizia pon ils filters da particlas ch'èn defects uschia vegnir identifitgads en moda svelta e fidada. Il fegl d'infurmaziun da la Confederaziun resumescha las pli impurtantas basas ed ils contexts pli relevants davart la mesiraziun dal dumber da particlas e respunda a dumondas frequentas.