Cuntegn da la pagina

Novas coordinatas naziunalas per il chantun Grischun

La determinaziun da las coordinatas en Svizra sa basa dapi l'onn 1903 sin l'uschenumnada projecziun cilindrica ad axa torta cun in sistem da coordinatas rectangular standardisà per la Svizra (mesiraziun naziunala MN03). Quest rom da referenza che ha ussa passa 100 onns n'ademplescha betg pli las pretensiuns dad oz envers la qualitad ed envers la precisiun e vegn remplazzà. Cun la nova Mesiraziun naziunala ultraprecisa (MN95) vegnan ils avantatgs da la tecnologia GNSS (mesiraziun cun agid da satellits) tratgs a niz cumplainamain ed i vegn garantida la colliaziun cun il sistem da referenza europeic.

La midada dal rom da referenza per las datas da la Mesiraziun uffiziala en il chantun Grischun vegn fatga da las geometras-revisuras e dals geometers-revisurs l'onn 2016. Las preparativas per quest project èn lantschadas e las mesiras necessarias èn instradadas. Tut las persunas che dovran datas da la Mesiraziun uffiziala èn pertutgadas da questa midada; per las adattaziuns e per las transfurmaziuns necessarias stattan però a disposiziun instruments ed infurmaziuns.

fegl d'infurmaziun "Novas coordinatas naziunalas per il chantun Grischun"

cadastre.ch: mesiraziun naziunala MN95