Navigation

Inhaltsbereich

Link Cataster da las RPDP

Tge è il cataster da las RPDP?

-

Tgi che posseda terren en Svizra na po betg utilisar quel sco ch'el vul. I vala d'observar cundiziuns generalas sco per exempel lingias da distanza u restricziuns da canera, ch'èn resultadas sin fundament da decisiuns dal legislatur u da las autoritads. Questas uschenumnadas Restricziuns da la proprietad da dretg public (RPDP) èn liantas per proprietarias e proprietaris da bains immobigliars.

En Svizra datti passa 150 differentas RPDP. La confederaziun ha decidì d'acceptar ad interim las suandantas restricziuns da la proprietad en il cataster: 

  • planisaziun d'utilisaziun

  • vias naziunalas

  • viafiers

  • eroports

  • lieus contaminads

  • protecziun da l'aua sutterrana

  • canera

  • guaud  

Broschüre ÖREB-Kataster

Film Planisader dal territori
Film Administratur da construcziun

Organisaziun da la gestiun dal cataster RDPP en il Grischun

Il chantun Grischun ha elavurà il cataster RDPP. La responsabladad per l'elavuraziun e per la gestiun dal cataster ha l'Uffizi d'agricultura e da geoinfurmaziun. La direcziun dal project sa cumpona da represchentants dals posts da servetsch participads e dal Departament d'economia publica e fatgs socials. Il directur dal project è il geometer chantunal Hans Andrea Veraguth.

Ulteriur svilup

Actualmain vegnan integradas las datas da las vischnancas en il cataster. Per meglierar cuntinuadamain in access simpel a las infurmaziuns davart ils bains immobigliars vegnan agiuntads ils suandants temas da RDPPt:

  • zonas da planisaziun

  • reservats da guaud
  • spazi d'auas
  • zonas da projectaziun: conducts cun ina tensiun nominala da 220 kilovolts u dapli
  • lingias da construcziun d'implants da current ferm

Sco tema chantunal vegnan probablamain vitiers las lingias da construcziun chantunalas. Ultra da quai vegnan surpigliadas las extensiuns funcziunalas da la Confederaziun en la plattafurma grischuna.