Cuntegn da la pagina

Projects per il svilup regiunal

Ils projects per il svilup regiunal cumpiglian mesiras per crear valurs en l'agricultura. Els rinforzan la collavuraziun interdisciplinara tranter l'agricultura ed ils secturs ch'èn colliads cun l'agricultura, oravant tut il mastergn, il turissem, l'economia da laina e la selvicultura. Els pon dentant er cuntegnair mesiras per realisar finamiras publicas cun aspects ecologics, socials u culturals. Las mesiras ston vegnir accordadas cun in concept general e coordinadas cun il svilup regiunal e cun la planisaziun dal territori.

Per projects futurs da caracter regiunal pon vegnir concedidas – en il rom d'in scleriment preliminar resp. d'ina etappa da basa – contribuziuns per l'accumpagnament professiunal (coaching) sin la via da las emprimas ideas fin a projects madirs.

L'Uffizi d'agricultura e da geoinfurmaziun sustegna ils purtaders ed ils manaders da project tar la planisaziun e tar la realisaziun dals projects.