Navigaziun principala

Cuntegn da la pagina

Manaschis amaturs

Tgi che tegna animals, è obligà d'annunziar quai al chantun. Tenor la legislaziun federala davart epidemias d'animals ston vegnir registrads ultra dals manaschis agriculs er tut las tratgas d'animals che vegnan manadas per hobi sco tratgas d'animals d'ungla, tratgas da chamels dal Nov Mund, tratgas da giaglinom u tratgas d'avieuls. Er las pisciculturas ston vegnir annunziadas. Decisiv en quest connex è la tratga dals animals e betg la proprietad.

Suenter l'annunzia survegn la possessura u il possessur d'arments, da bovs da l'aua, d'equids (chavals), da chauras, da nursas, da portgs e da giaglinom d'allevament u d'engrasch las datas d'access per la banca da datas davart il traffic d'animals (BDTA) sur il portal d'internet Agate da la confederaziun. Arments e bovs da l'aua, equids, nursas, chauras, portgs e muntaneras da giaglinom ston vegnir annunziads per il lieu respectiv (numer da BDTA). Ulteriuras infurmaziuns ed instrucziuns chattais Vus sin la pagina d'internet d'Agate.

Tar la retschertga chantunala da las datas structuralas che ha lieu mintga onn ston las possessuras ed ils possessurs d'animals inditgar il dumber d'animals il di da referenza sco er la media da l'onn precedent. Ils dumbers d'arments e d'equids ans vegnan furnids directamain dad agate.ch. Tut las autras spezias d'animals ston vegnir annunziadas cun agid d'in formular che Vus survegnis da la vischnanca. Sche Vus essas ina persuna che fa l'enquista da structura en l'internet, As annunziai cun Vossas datas d'access sin agate.ch per registrar ils animals. Là arrivais Vus tar la registraziun chantunala da datas (agriPortal). Dapli infurmaziuns en chaussa chattais Vus en il chapitel "Retschertga da las datas structuralas". 

Per annunziar ina tratga d'animals duvrai per plaschair il formular "Annunziar ina nova tratga d'animals". Sche Vus vulais annunziar in manaschi cun cultivaziun dal terren, duvrai per plaschair il formular "Annunziar in nov manaschi agricul". Per annunziar avieuls duvrai per plaschair il link da l'Uffizi per la segirezza da victualias e per la sanadad d'animals, nua che Vus chattais il formular correspundent. Surdadas u liquidaziuns da tratgas d'animals ston vegnir communitgadas a l'Uffizi d'agricultura e da geoinfurmaziun. 

Links

Agate (Tierverkehrsdatenbank)

Amt für Lebensmittelsicherheit und Tiergesundheit, Bienenmeldeformular

Enquista da structura

Formulars