Zum Seiteninhalt

Mesiras agriculas

Nossa finamira

Per in'agricultura cumpetitiva e persistenta

Nossa partiziun è ina interpresa da prestaziun da servetsch dal chantun Grischun cun la finamira da mantegnair e da promover in'agricultura cumpetitiva ed in'utilisaziun persistenta dal spazi da viver e da recreaziun en favur da la populaziun e da noss giasts. Las resursas persunalas e finanzialas duvrain nus en moda pli effizienta ed effectiva sco pussaivel, per ch'i possian vegnir cuntanschidas las finamiras da la constituziun, numnadamain da promover in'agricultura productiva, ecologica e confurma als basegns dals animals.

 

Integrond las persunas pertutgadas

Las prestaziuns da servetsch vegnan orientadas a las clientas ed als clients. Ultra da als circuls agriculs serva nossa partiziun a l'entira populaziun sco post da contact impurtant per tut las dumondas da l'agricultura. Las persunas pertutgadas vegnan integradas ad ura en ils differents process, e quai sco persunas participadas.