Cuntegn da la pagina

Edifizis ordaifer la zona da construcziun

Procedura da permissiun per edifizis ordaifer la zona da construcziun (EOZ) 

L'autoritad da permissiun è la vischnanca da domicil dal project da construcziun. La dumonda da construcziun sto vegnir inoltrada tar la vischnanca respectiva.

Il Post da coordinaziun chantunal per edifizis ordaifer la zona da construcziun è l'Uffizi per il svilup dal territori (UST), Grabenstrasse 1, 7001 Cuira. Ils documents da dumonda necessaris, ils formulars e las leschas pudais Vus chargiar sin Voss agen computer da sia adressa.

En il decurs da la procedura da consultaziun dumonda il UST al UAG il cunrapport professiunal. Persuna da contact tar l'Uffizi d'agricultura e da geoinfurmaziun (UAG) è per quest cas Michael Burkard.

Concept da gestiun

La lescha federala davart la planisaziun dal territori (CS 700) pretenda in concept da gestiun per tschertas dumondas da construcziun.

Concept da gestiun per manaschis accessoris betg agriculs:
p.ex. per dumondas da construcziun: vacanzas sin il bain puril, pitschna ustaria, lavuratori da maschinas agriculas, scrinaria e.u.v.

Concept da gestiun per edifizis e stabiliments agriculs pli gronds:
p.ex. per chasas e stallas senza contribuziuns federalas e chantunalas, edifizis da producziun e da deposit e.u.v.