Navigaziun principala

Cuntegn da la pagina

Midada da la cultivatura u dal cultivatur

Midadas da la cultivatura u dal cultivatur èn pussaivlas fin il pli tard il 1. da matg, per vegnir resguardadas en ils pajaments directs da l'onn da contribuziun current. Midadas da la cultivatura u dal cultivatur ston vegnir annunziadas uschè baud sco pussaivel a l'Uffizi d'agricultura e da geoinfurmaziun cun il "formular midada dal cultivatur", almain però in mais avant la surpigliada previsa. Las cundiziuns che vegnan menziunadas en quel formular ston esser ademplidas per ch'il manaschi vegnia renconuschì. Agiuntads al formular ston vegnir la cumprova da la scolaziun agricula (u eventualmain da l'emprima scolaziun e da la pratica agricula), il contract da cessiun u da fittanza per ils edifizis e per il terren sco er il contract da cessiun per l'inventari viv e mort (animals, maschinas, pavel e.u.v.). Per l'elavuraziun dals contracts e per ulteriuras infurmaziuns As drizzai per plaschair a la cussegliaziun da manaschis locala.