Navigaziun principala

Cuntegn da la pagina

Biodiversitad e colliaziun

Cun contribuziuns da biodiversitad vegnan ils spazis da viver natirals per la fauna e flora indigena dal territori agricul revalitads, stgaffids da nov e colliads in cun l'auter.

Las contribuziuns anteriuras per la cumpensaziun ecologica, la qualitad biologica e la colliaziun èn vegnidas fusiunadas – en il rom da la politica agrara 2014-2017 – cun las contribuziuns da biodiversitad. Questas contribuziuns promovan la diversitad da las spezias e la diversitad dals spazis da viver.

I vegnan pajads trais tips da contribuziuns. Las uschenumnadas surfatschas da promoziun da la biodiversitad survegnan contribuziuns da qualitad (dus stgalims da qualitad) e contribuziuns per la colliaziun

Stgalim da qualitad

Las cultivaturas ed ils cultivaturs pon far u desdir l'annunzia autonomamain da las surfatschas da promoziun da la biodiversitad (SPB) dal stgalim da qualitad I en il rom da l'enquista da structura la primavaira. La durada da l'obligaziun importa 8 onns

Stgalim da qualitad II

Contribuziuns dal stgalim da qualitad II vegnan pajadas, sche las surfatschas correspundan al stgalim da qualitad I e cuntegnan supplementarmain ina qualitad botanica ubain structuras che promovan la biodiversitad. En connex cun la cussegliaziun da manaschis agriculs che vegn fatga en il rom dal project da colliaziun, vegnan las surfatschas registradas tras in biro ecologic. La durada da l'obligaziun importa 8 onns.

Contribuziuns da colliaziun

Las contribuziuns per la colliaziun premettan da lantschar in project da colliaziun che ha ina instituziun responsabla communala. Ils projects da colliaziun vegnan realisads cun agid da contracts da cultivaziun.  

Directivas

Surfatschas da biodiversitad en il territori d'alpegiada

Basa legala