Navigaziun principala

Cuntegn da la pagina

Controllas/Sancziuns

Controllas 

En cas da controllas sto la cultivatura/il cultivatur che dumonda tscherts geners da pajaments directs cumprovar, ch'ella/el ademplescha respectivamain ha ademplì en l'entir manaschi las pretensiuns dal gener respectiv dals pajaments directs, inclusiv la CPE (OPD art. 101).

Las controllas areguard la protecziun dals animals che han lieu en il rom da la CPE vegnan fatgas tenor las disposiziuns da la Legislaziun davart la protecziun dals animals (OPD art. 102 al. 2).

Las mancanzas ubain faussas indicaziuns che vegnan constatadas a chaschun da la controlla dal manaschi vegnan communitgadas en scrit a la cultivatura/al cultivatur curt suenter lur constataziun. Sche la cultivatura u il cultivatur na va betg d'accord cun il giudicament, po ella u el pretender en scrit entaifer 3 lavurdis suenter la controlla in segund giudicament tar l'autoritad chantunala cumpetenta per l'execuziun. L'autoritad chantunala cumpetenta per l'execuziun fixescha ils detagls en cas d'in segund giudicament (OPD art. 103). Ella po er refusar ina segunda controlla, sche la cultivatura/il cultivatur ha gì la pussaivladad d'eliminar en il fratemp la mancanza (p.ex. mancanzas en connex cun il sternim). 

Controllas dal temp da racolta

A la charta da surfatschas interactiva davart las controllas dal temp da racolta (protegida cun in pled-clav)

Sancziuns

Sche las prescripziuns na vegnan betg observadas, vegnan las contribuziuns reducidas tenor las directivas da reducziun da la confederaziun.