Navigaziun principala

Cuntegn da la pagina

Qualitad da la cuntrada

Tenor ils art. 63 e 64 da l'Ordinaziun davart ils pajaments directs a l'agricultura (OPD; CS 910.130) èsi pussaivel per manaschis che han il dretg da survegnir pajaments directs e che possedan surfatschas en il chantun Grischun, da dumandar contribuziuns per garantir, per promover e per sviluppar vinavant cuntradas da cultura multifaras. Ensemen cun circuls interessads èn vegnids sviluppads 17 differents projects en las regiuns ed adattads a la diversitad dal chantun Grischun. Il concept da mesiras è vegnì fatg en 4 categorias cun totalmain 57 mesiras singulas:

A: Cultivaziun da culturas per promover la diversitad da l'utilisaziun e l'impressiun da la cuntrada 
B: Mantegniment e promoziun da l'utilisaziun e da la diversitad da l'utilisaziun (mesiras annualas) 
C: Mantegniment e promoziun da la varietad da las structuras e tegnair avert (mesiras unicas)
D: Crear novas structuras e novs elements da la cuntrada (mesiras unicas)

Qua sutvart figureschan las basas, ils mussavias ed ils formulars d'annunzia da las mesiras unicas per las contribuziuns a favur da la qualitad da la cuntrada en il chantun Grischun. Il rapport dal project chantunal ed ils 17 rapports dals projects regiunals pon vegnir consultads sut il link da l'Uffizi federal d'agricultura.

 Landschaftsqualitätsbeiträge, Bundesamt für Landwirtschaft

Landschaftsqualität: Massnahmenkatalog

Landschaftsqualität: Nicht Forstliche Massnahmen

Landschaftsqualität: Forstliche Massnahmen