Cuntegn da la pagina

Allevament d'animals

Allevament d'animals

Il Chantun promova l'allevament d'animals tenor l'Ordinaziun chantunala davart la producziun da muvel dals 28 da mars 2000 (DG 912.010).

Il Chantun promova la vendita d'animals da niz. El po pajar contribuziuns per survegliar il martgà, per far reclama e per mesiras che distgargian il martgà.

Il Chantun sustegna exposiziuns da muvel districtualas, organisaziuns d'allevament, l'uniun purila grischuna e sia organisaziun da commerzialisaziun sco er la graubündenVIEH SA.

Allevament da chavals

Il Chantun paja contribuziuns a staziuns da stalluns ed ad ulteriurs projects sin il champ da l'allevament da chavals

Allevament da muvel manidel

Las federaziuns chantunalas d'allevament da muvel manidel, la federaziun d'allevament da chauras e la federaziun d'allevament da nursas, organiseschan, ultra da la realisaziun da las exposiziuns, il martgà grischun da muvel manidel e l'exposiziun grischuna d'agnels.

Il martgà grischun da muvel manidel gida – cun premiar e cun commerzialisar buns animals d'allevament masculins – a promover l'allevament da muvel manidel en noss chantun. L'exposiziun grischuna d'agnels cumplettescha questas stentas e vegn appreziada lunsch suror ils cunfins dal chantun.

Cun las duas federaziuns grischunas d'allevament da muvel manidel è vegnida concludida ina incarica da prestaziun.