Cuntegn da la pagina

Mesiras da promoziun chantunalas

Cumplementarmain al dretg federal promova il chantun furmas da cultivaziun che s'orienteschan al martgà, che correspundan als animals, che schanegian l'ambient e che tegnan quint d'ina utilisaziun persistenta. Quai vegn fatg cun conceder contribuziuns inizialas e contribuziuns da motivaziun tenor l'art. 11 da la Lescha per mantegnair e promover l'agricultura (DG 910.000).

Dals meds finanzials che stattan a disposiziun vegnan sustegnidas las activitads las pli differentas, per exempel:

  • contribuziuns a l'infrastructura da manaschis ch'elavuran latg e charn sco er a l'elavuraziun da products da plantas

  • contribuziuns a las stentas da commerzialisaziun per augmentar la creaziun da valur

  • contribuziuns a l'allevament, a la tegnida ed a la promoziun da la vendita d'animals

  • mantegnair bains culturals prezius

  • rumir pradas e pastgiras che creschan en (cf. fegl d'infurmaziun e formular d'annunzia)

Las contribuziuns èn concepidas sco agids finanzials inizials e vegnan pajadas durant maximalmain 10 onns. Las dumondas pon vegnir inoltradas a la partiziun "mesiras agriculas" da l'Uffizi d'agricultura e da geoinfurmaziun.