Cuntegn da la pagina

Vendita da muvel da maz

Concept

La Confederaziun ed il Chantun èn sa retratgs da la commerzialisaziun dal muvel da maz. Sin fundament da la nova finamira da la politica agrara è perquai la commerzialisaziun sulettamain chaussa da las organisaziuns purilas, numnadamain da l'Uniun purila grischuna (UPG) e da la graubündenVIEH AG. La proviande ch'è vegnida incumbensada da la confederaziun da realisar mesiras per distgargiar il martgà fixescha ils pretschs per surpigliar animals da maz, e quai tenor ils pretschs ch'èn mintgamai fixads e ch'èn confurms al martgà.

Il program dals martgads da muvel da maz e dals martgads da nursas da maz vegn fatg da la graubündenVIEH AG. Quests programs vegnan inoltrads a la proviande suenter avair consultà la partiziun mesiras agriculas. L'annunzia dals animals (bovins) per ils martgads publics sto vegnir fatga a la graubündenVIEH AG.

Contribuziuns

Per promover la vendita da muvel da maz vegn concedida – sa basond sin l'art. 8 da l'Ordinaziun davart la producziun da muvel – ina contribuziun graduada per las nursas e per las chauras che vegnan preschentadas sin las plazzas da fiera da Cazas, da Glion, da Grono, da Mesauc, da Mustér, da Puschlav, da Schiers, da Scuol, da Vicosoprano e da Zernez. Durant ils mais da stad pon vegnir sustegnidas er fieras ordaifer il program da las fieras.

La vendita da muvel grond vegn ultra da quai sustegnida tras il project "transport & logistica".

L'annunzia dals animals (nursas ed ansiels) ed il rendaquint vegnan fatgs sur la graubündenVIEH SA. 

Instrucziuns