Navigaziun principala

Cuntegn da la pagina

Conferma da la cultivaziun l'atun

Il settember ha lieu durant in'emna la conferma da la cultivaziun dal terren sur l'Agriportal. Las cultivaturas ed ils cultivaturs conferman la cultivaziun da las surfatschas annunziadas u annunzian eventualas midadas. Ils prads ston esser vegnids segads e racoltads l'emprima giada fin ils 20 da settember e las pastgiras sco talas ston esser vegnidas utilisadas. En l'Agriportal pon vegnir annunziadas midadas en la dimensiun da la cultivaziun (èn tut las surfatschas vegnidas cultivadas cumplettamain?) ed en il tip d'utilisaziun (midada da prà a pastgira e viceversa). Tut las autras midadas d'utilisaziun ston vegnir annunziadas avant l'adattaziun a l'Uffizi d'agricultura e da geoinfurmaziun (UAG) (flaechenmeldungen@alg.gr.ch). Midadas en connex cun la cultivaziun da surfatschas da sternim ston vegnir annunziadas posteriuramain en scrit a l'UAG fin il pli tard ils 15 d'october.

La retschertga d'atun vegn fatga exclusivamain sur l'Agriportal, i na ston vegnir inoltrads nagins documents. Las vischnancas na ston betg confermar las annunzias da las surfatschas cultivadas l'atun. Sch'i na ston vegnir fatgas naginas mutaziuns da surfatschas fin ils 20 da settember, na stoi vegnir midà nagut en l'Agriportal. L'UAG recumonda da controllar las datas en l'Agriportal e da confermar quellas cun las activar.

agate/agriPortal

Anleitungen agriPortal