Ils nums geografics da la mesiraziun uffiziala cuntegnan ils nums dals lieus topografics che vegnan duvrads sin ils nivels d'infurmaziun: nomenclatura, cuvrida dal terren, objects singuls e plan da basa.

Dumondas per midar nums gia approvads u per recepir novs nums resp. per stizzar nums ston vegnir inoltradas da la vischnanca cun agid dal formular da dumonda per mauns da la Cumissiun chantunala da nomenclatura.

Impurtant: Las dumondas ston vegnir inoltradas da las vischnancas. I vegnan tractadas mo dumondas emplenidas correctamain incl. il bul e la suttascripziun da la vischnanca. Tar nums che vegnan recepids da nov sto ultra da quai vegnir agiuntà in plan, per ch'ins vesia nua ch'il num sa chatta e tge territori ch'el cumpiglia.

La Cumissiun da nomenclatura è il post spezialisà dal Chantun per ils nums geografics da la mesiraziun uffiziala. Ella controlla ils nums che figureschan en la dumonda, sch'els èn linguisticamain corrects e fixescha la scripziun.

Als nums geografics