Cuntegn da la pagina

Plan da basa da la mesiraziun uffiziala (PB-MU)

Ausschnitt des Basisplans in Reichenau

Descripziun

Il plan da basa da la mesiraziun uffiziala, curt PB-MU, è ina charta che vegn generada automaticamain da las datas da la mesiraziun uffiziala. Excepziuns en quest connex èn la represchentaziun da spelm e da glera sco er il reliev, las curvas altimetricas e las cotas d'autezza. Quellas vegnan deducidas da la charta naziunala 1:25 000 resp. dal MDT-MU.

Per meglierar il cuntegn da l'infurmaziun ha il chantun Grischun concludì d'enritgir il plan da basa cun objects supplementars sco scarpas, mirs impurtants, ovras electricas, cruschs da baselgias, santeris, paliets en flums e.u.v. Per las lingias da viafier vegn duvrada ina signatura speziala. Empè da la rait da vias da la mesiraziun uffiziala vegn duvrada la rait da vias e sendas da viandar dal model topografic da la cuntrada (MTC) da swisstopo. Pervia da questas adattaziuns vegn il product inditgà da nov sco "Plan da basa da la mesiraziun uffiziala dal chantun Grischun (PB-MU-GR)".

Scala da la charta

En il chantun Grischun stat il plan da basa a disposiziun mo a la scala da la charta 1:10 000.

Versiuns

Il PB-MU-GR datti en ina varianta en colur, en ina varianta en grisch ed en ina varianta en alv e nair.

Disponibladad

Il PB-MU-GR vegn producì da princip per l'entir territori chantunal. En territoris, en ils quals i na dat anc naginas datas da la mesiraziun uffiziala, vegn integrà il plan da survista 1:10 000 sco substituziun en il plan da basa. Ils detagls davart la disponibladad chattais Vus en il document "Stadi da producziun dal plan da basa".  

Ziclus d'actualisaziun resp. da creaziun

Adattaziuns en il senn tradiziunal n'èn betg previsas tar il PB-MU-GR. Il matg ed il november vegn el mintgamai fatg da nov or da las unitads da datas actualas da la mesiraziun uffiziala.

Empustaziun

Las datas pon vegnir empustadas sur www.geogr.ch.

Al plan da basa interactiv

Documentaziun plan da basa