Cuntegn da la pagina

Sanaziun d'abitaziuns

Cun las contribuziuns à fonds perdu a la meglieraziun da las relaziuns d'abitar en il territori da muntogna pussibilitain nus a la populaziun dal territori rural da meglierar sia situaziun d'abitar. En emprima lingia vegnan sustegnidas sanaziuns, però er edifizis novs e cumpras pon vegnir resguardads. Il sustegn sa drizza a famiglias en relaziuns finanzialas modestas.

Sin fundament dals meds finanzials chantunals che stattan a disposiziun pudain nus approvar var 20 dumondas da contribuziun per onn. Nus infurmain las patrunas ed ils patruns davart l'andament dal project ed als cussegliain en dumondas da la tecnica da construcziun. Nus examinain ils projects da construcziun ed inoltrain la dumonda da conceder contribuziuns al departament cumpetent.