Willkommen - Bainvegni - Benvenuti

Begrüssungsbild
 
Uffizi d'agricultura e da geoinfurmaziun

Cordial bainvegni sin la pagina d'internet da l'uffizi d'agricultura e da geoinfurmaziun (UAG) dal chantun Grischun.

Nus essan in post da servetsch dal departament d'economia publica e fatgs socials ed occupain circa 45 collavuraturas e collavuraturs. Nossa incumbensa sco interpresa da prestaziun da servetsch dal chantun è il mantegniment e la promoziun d'ina agricultura cumpetitiva e d'ina cultivaziun natirala ed ecologica dal terren. Questa incumbensa ademplin nus cun ils pajaments directs e cun las contribuziuns ecologicas als manaschis purils activs, tras las meglieraziuns da structuras en la construcziun auta e bassa sco er cun infurmaziuns e cun cussegliaziuns. Plinavant è noss post da servetsch responsabel per la surveglianza e per la verificaziun dad ovras da mesiraziun uffiziala e per la controlla da fatgs da telefericas e da runals. Ultra da quai appartegna nies uffeci anc il center da cumpetenzas dal SIG ed in agen servetg da Geoinformatica.

Nossas collavuraturas e noss collavuraturs stattan gugent a disposiziun per dumondas ed infurmaziuns. Ans dai in telefon u ans tramettai in e-mail.

Daniel Buschauer, manader da l'uffizi