In ulteriur success per la Val Puschlav: La regiun cun las vischnancas da Poschiavo e Brusio è vegnida onurada cun il Premi europeic per la renovaziun dals vitgs 2026 ed è uschia sa fatga valair envers 24 ulteriuras candidaturas europeicas. La distincziun onurescha l'engaschament da blers onns a favur d'in svilup regiunal persistent. Contribuì a quai ha tranter auter er in project per il svilup regiunal da l'Uffizi d'agricultura e da geoinfurmaziun. Quest project promova l'innovaziun, la valurisaziun e la stretga collavuraziun en la regiun. La giuria internaziunala ha accentuà oravant tut la cumbinaziun exemplarica da tradiziun, persistenza e ferm engaschament per la cuminanza.

© Valposchiavo