Per l'emprima etappa da realisaziun dal project PSR Val Stussavgia ha la Regenza garantì ina contribuziun chantunala da maximalmain 3 019 591 francs a l'uniun «PSR Val Stussavgia». Questa contribuziun premetta ina contribuziun federala da
3 681 215 francs. Ils custs subvenziunabels importan 9 232 739 francs.

Il PSR Val Stussavgia è in project voluminus per il svilup regiunal, ch'è vegnì lantschà l'onn 2020. L'emprima etappa, che duai ussa vegnir realisada, cumpiglia 10 projects parzials. Qua tras duai l'agricultura da la Val Stussavgia vegnir diversifitgada pli fitg, per che famiglias possian vinavant lavurar e viver en la val. Differentas mesiras duain promover la producziun, l'elavuraziun e la commerzialisaziun da products agriculs sco er l'extensiun da la purschida agroturistica e d'ulteriuras purschidas ed uschia sustegnair las chadainas regiunalas da valurisaziun.