L'adattaziun dal Plan directiv ha l'intent da determinar l'object 29.WK.16 «Conduct da transmissiun Lumnezia».Il conduct da transmissiun pussibilitescha ina producziun supplementara dad en media var 80 GWh electricitad per onn. En il rom da questa adattaziun dal Plan directiv specifica per l'object èn ils interess vegnids eruids, cumparegliads in cun l'auter e coordinads. L'exposiziun publica da l'adattaziun dal plan directiv vegn fatga en coordinaziun cun quella da la Procedura d'approvaziun da la concessiun.

Cun l'exposiziun publica vegn garantida la cooperaziun ch'è necessaria tenor l'art. 7 al. 2 da l'Ordinaziun davart la planisaziun dal territori per il chantun Grischun (OPTGR; DG 801.110) per determinar il project en il Plan directiv chantunal.