Il formular online sin la plattafurma eBau guida las petentas ed ils petents pass per pass sin la via per inoltrar ina dumonda da construcziun. La guida intelligenta tras il formular facilitescha la registraziun, dat ina survista e reducescha las dumondas per indicaziuns pli precisas gia durant l'endataziun.

Quai accelerescha e simplifitgescha: Il sistem dumonda tut las indicaziuns necessarias directamain en il process digital. Las petentas ed ils petents profitan da dapli survista, da main midadas da medium e d'ina liquidaziun cleramain pli simpla. Uschia sa distingua eBau cleramain dad auters spurtegls virtuals, en ils quals las utilisadras ed ils utilisaders ston ultra da quai rimnar formulars da PDF, chargiar giu, repeter bler ed inoltrar a maun.

Ils posts spezialisads chantunals annunzian las adattaziuns specificas (p.ex. pervia da novas leschas) e nus las integrain tant pli svelt en ils formulars, uschia che la guida tras l'inoltraziun da dumondas da construcziun è actuala.