Cuntegn da la pagina

En audiziun

Adattaziun dal plan directiv chantunal en il sectur dal traffic
Audiziun publica dals 16 da fanadur fin ils 18 da settember 2020

Il chapitel 6 "Traffic" dal Plan directiv chantunal è vegnì revedì fundamentalmain. Cun agid d'ina collavuraziun tranter ils uffizis e tranter ils secturs specifics èn ils chapitels parzials d'enfin ussa vegnids controllads e mess à jour sin fundament da las basas actualisadas e dals cuntegns dal Plan directiv, sco per exempel il nov Plan sectorial Velo, il Concept dal territori u il chapitel 5 "Abitadi" ch'è vegnì approvà dal Cussegl federal l'onn 2019. Medemamain èn vegnids integrads aspects pli novs da la mobilitad (p.ex. multimodalitad u digitalisaziun).

In'excepziun è il chapitel parzial "Traffic d'aglomeraziun / programs d'aglomeraziun": La primavaira 2019 han ins cumenzà ad elavurar la quarta generaziun dal program d'aglomeraziun Cuira. Il chapitel parzial vegn repassà en moda cumplessiva pir suenter ch'il sboz dal program d'aglomeraziun da Cuira è avant maun, probablamain l'onn 2021.

Las midadas fatgas vegnan decleradas en il rapport explicativ.

Richtplantext Kapitel 6 Verkehr
Erläuternder Bericht
Richtplankarte mit Anpassungen Verkehr
Elektronisches Rückmeldeformular 

Pervia da la midada dals biros en l'edifizi administrativ Sinergia tranter ils 24 ed ils 28 d'avust ha l'exposiziun lieu sco suonda:

 

  • dals 16 da fanadur fin ils 21 d'avust: Uffizi per il svilup dal territori dal Grischun, Grabenstrasse 1, 7000 Cuira (local d'exposiziun, stanza nr. 213 en il 2. plaun)
  • dals 31 d'avust fin ils 18 da settember: edifizi administrativ Sinergia, Ringstrasse 10, 7000 Cuira (s'annunziar tar la recepziun).

Dals documents d'exposiziun pon ins prender invista durant las uras da biro uffizialas.

La populaziun ed ils circuls interessads pon inoltrar lur propostas ed objecziuns en scrit fin il pli tard ils 18 da settember 2018 a l'Uffizi per il svilup dal territori dal Grischun, Grabenstrasse 1, 7000 Cuira. Duvrai per quest intent per plaschair il formular da resposta electronic che stat a disposiziun sin la pagina d'internet.