Navigation

Inhaltsbereich

Las restricziuns pervia da la derasaziun dal coronavirus (COVID-19) han per consequenza ch'i n'è betg pli pussaivel en numerusas branschas da furnir las prestaziuns en moda economica. Las mesiras da la Confederaziun vegnan er dumandadas savens da las interpresas en il chantun Grischun.
Per porscher – sco cumplettaziun da quellas mesiras – ina perspectiva a vista pli lunga è il chantun pront da garantir credits transitorics, e quai subsidiarmain a la Confederaziun. Ils credits supplementars vegnan concedids pir, cur che las pussaivladads sin il stgalim federal èn exauridas cumplainamain. Interpresas singulas, societads da persunas e persunas giuridicas cun sedia en il chantun Grischun duain vegnir sustegnidas cun las mesiras subsidiaras preschentadas qua sutvart, per che questa crisa possia vegnir superada.

Contact: covid@awt.gr.ch

-

Fasa 1: Prender mesiras en cas da perditas da lavur

Fasa 2: Credit COVID-19 / credit COVID-19 plus tenor l'agid immediat da la Confederaziun

Fasa 3: Credit COVID-19-GR / credit COVID-19-GR plus dal chantun Grischun

  • Dumonda da l'interpresa

    • Chargiar giu il formular da dumonda da la pagina d'internet
    • Emplenir, stampar, suttascriver
    • Inoltrar la dumonda a la banca participanta (banca principala)
  • Examinaziun da la dumonda tras la banca

    • Examinaziun usitada en la branscha, sche las premissas èn ademplidas
    • Recumandaziun documentada al chantun
  • Decisiun da credit tras il chantun

    • Contract da garanzia tranter il chantun e la banca
  • Contract da credit tranter la banca e l'interpresa

  • Pajament tras la banca principala