Navigaziun principala

Cuntegn da la pagina

Mesiras per cas da direzza

Factsheet e formular da dumonda – ils criteris per in sustegn

AGIDS PER CAS DA DIREZZA – INFURMAZIUN IMPURTANTA  DALS 8-2-2021
Pervia d'in defect tecnic è 1 dumonda per agids per cas da direzza ida a perder per adina.

Nus supplitgain l'interpresa che ha inoltrà sia dumonda al DES per upload (filetransfer) ils 4 da favrer 2021, a las 12.04, u a las 17.59, d'inoltrar la dumonda anc ina giada e da s'annunziar tar il DES sur l'adressa dad e-mail ch'è inditgada qua sutvart u per telefon.

L'upload (filetransfer) è en funcziun. Las dumondas pon vegnir inoltradas per upload/filetransfer, per posta u per e-mail.

 

Novitads dals 23-02-2021:

Il chantun augmenta la tariffa da contribuziun da 50 sin 75 pertschient da la perdita economica.

Ultra da quai sto vegnir cumprovada ina perdita da la svieuta da mo pli 15 pertschient en la sparta ch'è serrada uffizialmain.

Da nov valan interpresas sco serradas cumplettamain, sch'ellas cuntanschan ina svieuta d'almain 70 pertschient en in sectur da l'interpresa ch'è serrà. Perquai ston ellas mo cumprovar ina perdita da la svieuta da 15 pertschient.

Betg necessari da far ina nova dumonda:

Interpresas che han gia fatg ina dumonda, na ston betg inoltrar ina nova dumonda. La nova tariffa da contribuziun vegn applitgada a partir d'immediat.

Las interpresas che han gia survegnì contribuziuns, survegnan automaticamain la contribuziun supplementara. Ellas na ston betg inoltrar ina nova dumonda.

Quai vala er per interpresas ch'èn serradas per part e che ston vegnir giuditgadas da nov pervia da la regla "70 % empè dad 80 % serrà".

Communicaziun a las medias dals 23 da favrer 2021

 

 Factsheet davart las mesiras per cas da direzza (PDF)

Factsheet davart la calculaziun da las contribuziuns (PDF)

 Helpcenter da la Confederaziun cun indicaziuns davart las premissas generalas e cun ulteriuras infurmaziuns davart las mesiras per cas da direzza

Studegiai per plaschair exactamain las infurmaziuns. Examinai, sche Vus ademplis ils criteris numnads. As procurai las indicaziuns ed ils documents necessaris. Empleni lura la dumonda.

 Il formular da dumonda chattais Vus qua: Agid per cas da direzza

Dumondas pon vegnir inoltradas fin ils 30 da zercladur 2021. Questas dumondas vegnan resguardadas en mintga cas – ina preannunzia n'è betg necessaria.

 Sche Vus duvrais anc ulteriurs scleriments per inoltrar la dumonda, As drizzai per plaschair a haertefall@gr.ch

 

Infurmaziuns per il commerzi en detagl (pertutgà da la serrada uffiziala a partir dals 18 da schaner 2021):

Per il commerzi en detagl valan da princip las medemas reglas sco per las ulteriuras branschas senza part pauschala dals custs fixs. Per eruir la perdita da la svieuta dastga il commerzi en detagl sulettamain resguardar la fasa dal 1. da mars 2020 fin ils 28 da favrer 2021. Per l'inoltraziun da la dumonda supplitgain nus las interpresas correspundentas dentant d'avair anc in zic pazienza fin circa ils 8 da mars 2021. Lura vegn a star a disposiziun ina nova soluziun cun in temp d'elavuraziun pli curt.

Basas giuridicas federalas

Lescha Covid-19 (DE)

Ordinaziun Covid-19 (DE)

Basa giuridica chantunala

OVID-19-OECDir